السلام عليكم

يا جماعة.. في أحد عنده خبره في بناء برامج بسيطة للبالم؟
باختصار ابغى قاعدة بيانات صغيرة يعبيها المستخدم باستخدام فورم..
ناوية استخدم الأبلكيشن هذي اللي بنسويها على أجهزة PDA تشتغل بنظام الويندوز

anyone interested?

:)

وعليكم السلام ورحمة الله ...
عزيزتي ممكن تشيكي هذا الموقع يحتاج للتسجيل وإن شاء الله يفيدك :
http://developer.palm.com/

تحياتي

شكراً لك يا IT_Champion على الموقع..
للأسف ما أعرف أسوي الأبلكيشن.. لو كنت أعرف كنت سويتها بنفسي
قاعدة أسأل إذا في أحد مهتم في الموضوع عشان يسويها لي :)

ممكن توضيح لان الطلب غامض جدا

تحياتي

سلام كودر..

احتاج الأبلكيشن عشان مشروع في الشغل يتعلق بتحسين المهام..
الجهاز بعطيه موظف يتعامل مع مراجعين، وبخليه يدخل معلومات المراجع وعلى الابلكيشن انه يحسب
كم الوقت المستغرق في خدمة المراجع..

يعني يحفظ رقم ID المراجع + تاريخ ووقت البدأ + تاريخ ووقت الإنتهاء لكل مراجع
ممكن يجي اكثر من 5 مراجعين في وقت واحد.. معناتها بحتاج إلى قائمة المدخلين،
والقدرة على اختيار واحد من المدخلين واخراجه (تسجيل وقت الإنتهاء)

الابلكيشن بيشتغل على أجهزة PDA تعمل على windows mobile os

جمع البيانات: (رقم الـID يقوم المستخدم بإدخاله + على الابلكيشن انه يسجل تاريخ ووقت الإدخال بالساعة،
الدقيقة، والثانية) .. المستخدم ايضاً سوف يقوم بتسجيل وقت انتهاء الخدمة للـID اللي دخله مسبقاً

يعني في الخطوة الأولى بكتب رقم ID الشخص اللي قدامي، وبعدين بضغط على Save والابلكيشن
بيحتفظ بالرقم + بيانات الوقت.. بعدين في الخطوة الثانية الابلكيشن بيعرض لي قائمة بالـIDs اللي دخّلتهم مسبقاً ..
وبضغط على Exit (مثلاً) والابلكيشن بيسجل وقت الexit لهذي الآي دي


بعد اسبوع من ادخال البيانات بحتاج استخرج المعلومات الى ملف اكسل او وورد او اي شي
عشان احللها manually..

هذا كل اللي أحتاجه :D

في برامج على الانترنت مثل TracerPlus لتصميم ابلكيشن حق جوالات الوندوز..
بس ما عندي المعرفة الكافية اني استخدمه...

لهذا أطلب المساعدة..

كودر غيّر رايه :d

لاغيرت ولا شي بس جالس احاول اشوف شي جاهز وان كان في وقت سويت لك واحد - الصبر زين :)

يعطيك العافية :)
بس لازم تعرف ان الابلكيشن هذا احتاجه في اسرع وقت..
يعني البروجكت بيبدأ شغله يوم السبت وبيستمر الى يوم الأربعاء..
بس حتى لو تأخّر يوم أو يومين،، ممكن ان احنا نغطي الموضوع..

بدعي لك تلاقي حاجه عشان يستوي :d