مقتطفات شاعر تقني !! [الأرشيف] - منتدى طلبة الدراسات العليا

مشاهدة النسخة كاملة : مقتطفات شاعر تقني !!

IT_Champion

17-Aug-2009, 11:32 PM

فيروس هجرك عطل القلب تعطيـل ...... ودمر ملفات الفـرح فـي حياتـي
ياللي سكنت القلب من دون تحميـل ...... متـى لموقعنـا تشـرف وتـاتـي
عنوانكم ماهـوب ياهـو وهوتميـل ...... عنوانكـم روحـي و قلبـي و ذاتـي
كم مرةٍ أرسلـت لـك عبر الإيميـل ...... وأدورك فـي منتـداي و شـاتـي
وأرسلت لك يا زين فايـلٍ ورى فايـل ...... فيها الغلا والحـب يا أغـلى أمنياتـي
وأرسلت لك قصة عذابي مع الريـل ...... ياللي غيابك هـو سبايـب شقاتـي
دايم عليك أبحـث بياهـو و جوجـل ...... وأنـت ولا تسـأل علينـا بتـاتـي
خابرك بنتيوم فـور أصلـي و إنتيـل ...... لكن خسـارة غيـروك الوشاتـي
وكان الهكر غروك بالقـال والقيـل ...... بأدعي عليهم في سجودي وصلاتي
ياجعلهـم بقعـاء وطيـرٍ أبابـيـل ...... ترمي عليهم بأمـر ربـي حصاتـي
يرضيك من حبك غدى منهك الحيـل ...... ريقي غدى ناشف ويبسـت شفاتـي
أقضي الليالي دمع عينـي هماليـل ...... لا مـن طريتيلـي تـبـدد مبـاتـي
صحـراي جفـت مالفانـا مخاييـل ...... وأنت المزون اللـي تـروّي نباتـي
وياشين حالي لا قريـت المراسيـل ...... في الأوتلوك أذكر قصص ماضياتي
منك حزين الحرف شـاف البهاذيـل ...... وقلبك مثل قرصٍ صلب في القساتي
موقعك في وجهـي مقفـل بتقفيـل ...... حتى البروكسي مانفـع وش سواتـي
بمفضلـة قلبـي عطينـاك تفضيـل ...... أنـت المفضـل عندنـا يا غنـاتـي
ويا زين هجرك عطل القلب تعطيـل ...... ومن غير شوفك وش تساوي حياتي
كني بدونك قرص فـارغ ولا فيـل ...... فاسـد ومرمـي بسلـة المهملاتـي
ماعدت أفرق بين اكسس و أكسيـل ...... وماعدت أفرق بيـن بلتـك وشاتـي
وباشكي على الكيبورد كثر الغرابيل ...... وأكتب على الوورد المطور وصاتي
وهذي النهاية حطها وسـط تظليـل ...... لا مـت ف غيابـك سبايـب مماتـي

تحياتي للجميع :d

*نقاء*

18-Aug-2009, 01:10 AM

فيروس هجرك عطل القلب تعطيـل ...... ودمر ملفات الفـرح فـي حياتـي

وهذي النهاية حطها وسـط تظليـل ...... لا مـت ف غيابـك سبايـب مماتـي

كلمات مزجت بين عالمين متضادين ؛عالم مليء بالإحساس وآخر مجرد من الإحساس

تحياتي لك.

قلم من رصاص

18-Aug-2009, 11:43 PM

يعطيك العافية أخي أي تي ... توني أشوف القصيدة والا هاذي يمكن يكون فيها بونس لو سلمناها مع البروجت :)

ملاحظة/ لاأستطيع أن ابدي رأي في القصيدة كقطعة أدبية لأني لاأحب أن أرى الشعر مشوها بهذا الشكل ولكني قرأتها من باب الفكاهة والمتعة ...

لاعدمنا تواصلك الرائع سيدي ...

IT_Champion

19-Aug-2009, 12:20 AM

أفا أختي نقاء صدقيني حتى التقنبة فيها أحاسيس يعني مثلا فيه أحاسيس تربط المعاج بالذاكرة والهادر دسك والذاكرة وغيرها من الأجزاء ..... وبالنسبة لي أنا بيني وبين جهازي المحمول قصة غرام وعشق أقضي معه ملا يقل عن 10 ساعات يوميا غير الويكند لدرجة إني أعتبره صديقي الوفي المللازم لي ولو كنت شاعر كان نظمت فيه قصيدة. :d

أشكر مرورك الرائع

عزيزتي قلم من رصاص صديقيني طرى في بالي أرسلها للدكتور لعل الله يحنن قلبه علينا :d

أضحك الله سنك وشاكر لمرورك الجميل

الطالب المثالي

19-Aug-2009, 12:55 AM

الطالب المثالي

19-Aug-2009, 12:57 AM